الجمعة، 30 مارس 2018

البطل

بجد معشر الناقمين إنتم إزاي عاوزين الدنيا تكون كويسه وأنتم بتتفننوا في أكل حقوق بعض بتتفننوا إزاي تأذوا الطيبين لدرجة إنكم تخلوهم يشوفوا نفسهم ناس هبله أوي علشان بس عملتكوا بطيبه + وثقت فيكم.
انا كنت بلاحظ دايماً إن جموع الناقمين أو المعارضين لأي حاجه دايماً عالم حقوده كارهه لنفسها قبل ما تكره غيرها.
اللعب بمشاعر الناس دايماً بيكون بعد الثقه وابداء الأمان للطرف الآخر، ودايماً النوع ده بيكون فقير وفجأة بقى غنى فبيعوض كل النقص اللى جواه بالللعب بالمشاعر واستغلال الاخر لتحقيق أكبر منفعه منه قبل ما الشخص الطيب يفوقويقول كفاية بقى، والظريف ان الطيب ده لما يواجه الشخص المستغل يطلع الطيب ده غلطان ومش واثق في نفسه وإنك خسر أكتر واحد كان بيدعمه، لأ الطيب فاق وبطل يكون ضعيف وبطل يخلي الناس تستغله.

هيتهموك إنك ضعيف وعديم الثقه في النفس وعبيط أهبل تستاهل وإنك مالكش أمان ومهزوز وفاشل ومتكبر وإنك اتغيرت أو إنك أظهرت وجهك الحقيقي القبيح، هيتم اتهامك كتير أوي هيتقال عليك كتير أوي هتلاقي ناس بتستمتع في ازاءك.

طظ

أنت كسبت نفسك، انقذت نفسك من معدومي الضمير، إنت حاربت بجد حرب شرسه ضد ناس يا كنت تكسب نفسك أو تخسرها للأبد.
أنت بطل وأشكرك، لكن من شمات البطل إنك بيسامح آه بيسامح لأنه قوي جداً بس مش بيرجع.

شكراً لكل واحد خذل واحد طيب وحوله لبطل ذو مبادئ وقيم.
💙💙💙💙💙💙💙💙

ليست هناك تعليقات:

إرسال تعليق